⏩ ქარიშხალს ხშირად წინ უსწრებს ჭექა-ქუხილი. ამ დროს იწყება ელევა, რაც საფრთხეს უქმნის ადამიანის სიცოცხლეს. ელვა საშიშია როცა თან ახლავს გრგვინვა და ამ დროს შეიძლება დამიწდეს (მეხის ჩამოვარდნა). პარალელურად იწყება ძლიერი ქარი, შეიძლება დაიწყოს სეტყვა და მოსალოდნელია წყლის მოვარდნა.
⏰ მანძილის გამოთვლა. ელვას თან ახლავს ძლიერი ნათება და ხმაური, სინათლის სიჩაქრეა 300.000 კმ/წამში და ვხედავთ დაუყოვნებლივ. ხოლო ხმა ვრცელდება 340 მ/წამში სიჩქარით. ეს საშუალებას გვაძლევს უხეშად გამოვთვალოთ დაშორება ჩვენსა და ელვის წყაროს შორის. მაგალითად: თუ გაელვებიდან ქუხილამდე გავიდა 10 წამი დაშორება მიახლოებით გამოდის 340 მ/წ х 10 წ =3.400 მეტრი.
თუ მომდევნო გამოთვლისას ხმის დაყოვნება იზრდება (გახდა 15 წამი) ე.ი. ჭექა-ქუხილი გვშორდება, ან პირიქით (გახდა 5 წამი, ანუ 1.700 მ) ე.ი. გვიახლოვდება.
გაითვალისწინეთ რომ საშუალოდ ელვის სიგრძე 2-3 კილომეტრია, ანუ არაა აუცილებელი წვიმა იყოს და მაშინ ჩამოვარდეს მეხი. წვიმის გარეთაც შეუძლია დამიწება.
🔺 უსაფრთხოება ღია ადგილას
✷ მოშორდით ცალკე მდგომ ობიექტს 200 მეტრით (მაგ.: მაღალი ხე, ან გადამცემი ბოძები), რადგან მასზე მიზიდული ელვა შეიძლება თქვენსკენ წამოვიდეს
✷ არ დაწვეთ მიწაზე, მონახეთ ჩაღრმავება, ჩამოჯექით ემბრიონის პოზაში და დაიფარეთ ყურები
✷ შეწყვიტეთ სიარული, არ დადგეთ სრული სიმაღლით
✷ არ ახვიდეთ შემაღლებულ ადგილას
✷ არ შეჯგუფდეთ, დაშორდით ერთმანეთს 15-30 მეტრით
✷ მოიშორეთ მეტალის კარკასიანი ზურგჩანთა 30 მეტრით
🔺 უსაფრთხოება ტყეში
✷ 4-5 მეტრით მოშორდით მაღალ ხეს, რადგან ელვა ღეროს დაუყვება და ტოტებსაც ამტვრევს
✷ შეეფარეთ ბუჩქნარს, ან დაბალ ხეს, რომელიც გამოკვეთილი არაა სხვების ფონზე
✷ ჩააქრეთ კოცონი (კვამლმა შეიძლება მიიზიდოს ელვა)
✷ არ მიეკაროთ ხის ღეროს
✷ ჩადით მთის თხემიდან
✷ მეხის 54% მოდის მუხაზე, 24% ვერხვზე და 10% ნაძვზე. მოერიდეთ ამ ხეებს
✷ ძლიერმა ქარმა შეიძლება წააქციოს გამხმარი ხე და გაითვალისწინეთ
🔺 უსაფრთხოება წყალთან
✷ მოშორდით ტბას, ან მდინარეს 100 მეტრით
✷ ამოდით წყლიდან და არ შეეფაროთ ნაპირზე არსებულ ხეებს
🔺 რა იზიდავს ელვას?
✷ სველი ტანსაცმელი (ელვა წვიმის გარეთაც მიწდება)
✷ მობილური, ან რაცია
✷ ველოსიპედი
✷ ქოლგა
✷ მეტალის ინსტრუმენტები, ან იარაღი
🚩 ძალიან იშვიათად წამოიქმნება ე.წ. "მრგვალი ელვა". თუ მას დაინახავთ, არ შეშინდეთ და არ გაიქცეთ. გაუნძრევლად დარჩით და 1,5-2 წუთში თვისით გაქრება
⏩ სტატისტიკა და საინტერესო მონაცემები
✷ ელვის სიმძლავრე 100.000.000 ვოლტია. საყოფაცხოვრებო ქსელი 220 ვოლტი
✷ ელვის ტემპერატურა +30,000 C შეადგენს
✷ ელვის 70% მსხვერპლი კაცია
მეხის ჩამოვარდის ვიდეოების ნაკრები
მონაცემების წყარო: აშშ-ს, კანადის და რუსეთის საგანგებო სიტუაციების სამსახურები